Popular Bible Verses from Titus 1

Share

Dorang bilang kalu dorang kanal pa Tuhan Allah, mar kalu mo lia tu dorang pe cara hidop, dorang sama deng tu orang yang nyanda kanal pa Tuhan Allah. Orang-orang rupa dorang ini tu paling jaha, nimau beking tu Tuhan Allah da prenta deng nyanda mampu beking tu bae.

Orang-orang yang dong pe hati bersi di muka pa Tuhan, dorang bole beking samua. Mar for orang-orang yang dong pe hati kotor di muka pa Tuhan kong nyanda percaya pa Tuhan, samua yang dong beking itu najis lantaran dorang itu pe hati deng pikiran so kotor.

Dia itu lei musti orang yang iko butul-butul tu ajaran yang butul, tu ajaran yang so se ajar pa dia. Deng bagitu, dia mampu kase smangat pa orang pake tu ajaran yang butul itu, deng lei dia mampu se tre tu pikiran dari orang-orang yang malawang tu ajaran itu.

Tu pemimpin jemaat ja ator tu Tuhan Allah pe jemaat, so itu dia musti orang yang nyanda beking sala sampe nyanda ada yang mo se sala pa dia. Dia nyanda sombong, nyanda pangmara, nyanda pangmabo, nyanda ja beking kekrasan deng nyanda gila doi. Mar dia itu musti orang yang suka trima orang laeng pa de pe ruma, suka tu bae, bijaksana, adil, hidop bersi di muka pa Tuhan deng mampu tahang diri.

Tu orang yang mo jadi pemimpin, dia itu musti bagini: dia itu orang yang hidop lurus deng cuma ada satu bini. Trus de pe anak-anak lei percaya pa Tuhan, deng bagitu orang nyanda mo bilang kalu tu de pe anak-anak itu begal ato pangmalawang.