Popular Bible Verses from Roma 10

Share

Soalnya kalu ngoni mangaku Yesus itu tu Tuhan, kong percaya pa ngoni pe hati kalu Tuhan Allah so se hidop ulang pa Yesus, ngoni mo dapa slamat dari hukuman dosa.

Kalu ngoni percaya, Tuhan mo beking ngoni jadi orang yang butul di muka pa Dia. Kong kalu ngoni mangaku Yesus itu ngoni pe Tuhan, ngoni mo dapa slamat dari hukuman dosa.

So itu, orang musti dengar dulu baru dorang mo percaya, kong tu brita yang dorang da dengar itu no tu brita tentang Kristus.

Di Kitab Suci da bilang, “Sapa jo yang percaya pa Tuhan, dia nyanda mo kecewa lantaran Tuhan mo beking samua tu De pe janji.” Samua orang bole dapa slamat lantaran nyanda ada de pe beda antara tu orang Yahudi deng orang bukang Yahudi. Tuhan yang satu itu for samua orang, deng Dia pangbae for orang yang minta tolong pa Dia. Itu sama deng tu da tulis di Kitab Suci, “Tuhan kase slamat pa sapa jo yang minta pa Dia for se slamat.”

Trus bagimana lei orang-orang mo kase tau tentang Dia kalu dorang nyanda dapa utus? Jadi sama deng tu da tulis di Kitab Suci, “Pe snang skali kalu datang orang-orang yang ja kase tau tu Kabar Bae dari Tuhan Allah.”

Mar bagimana orang-orang mo minta pa Tuhan supaya bole mo slamat kalu dorang blum percaya pa Dia? Kong bagimana orang-orang mo percaya pa Dia kalu dorang blum perna dengar tentang Dia? Deng bagimana orang-orang mo dengar tentang Dia kalu nyanda ada yang kase tau itu pa dorang?

Soalnya Kristus so beking samua maksut dari tu atoran-atoran di kitab Taurat. Jadi sapa jo yang percaya pa Dia, tu orang itu mo jadi butul di muka pa Tuhan kong dia so nyanda perlu lei mo iko tu atoran-atoran di kitab Taurat for mo jadi orang yang butul.