Popular Bible Verses from Kisah Para Rasul 2

Petrus manyao pa dorang, “Bertobat jo kong kase tu ngoni pe diri for dapa baptis dalam nama Yesus Kristus. Deng bagitu Tuhan Allah mo kase ampung tu ngoni pe dosa-dosa, trus Tuhan Allah mo kase tu karunia Roh Kudus pa ngoni.

Dorang ja bakumpul sama-sama deng orang-orang laeng yang percaya pa Yesus. Dorang lei rajin ja badengar tu ajaran dari rasul-rasul kong dorang ja beking perjamuan deng basombayang sama-sama.

Kong Roh Kudus kuasai pa dorang samua, trus dorang bole babicara pake bahasa-bahasa laeng yang Roh Kudus da kase.

Kage-kage dapa dengar ada bunyi dari langit sama deng angin yang da batiop kancang. De pe bunyi pe kuat skali sampe dapa dengar di samua tampa di ruma tu dorang da dudu bakumpul. Kong dorang dapa lia api yang de pe model sama deng lida-lida yang tasebar kong brenti di atas pa dorang masing-masing. Kong Roh Kudus kuasai pa dorang samua, trus dorang bole babicara pake bahasa-bahasa laeng yang Roh Kudus da kase.

Saban hari deng satu hati dorang ja bakumpul di kintal kompleks Ruma Ibada Pusat. Dorang beking perjamuan dari satu ruma ka ruma laeng kong makang sama-sama deng snang deng tulus hati. Dorang ja puji pa Tuhan Allah, deng banya orang suka lei pa dorang. Kong saban hari Tuhan se tamba pa dorang tu orang-orang yang jadi percaya pa Dia for dapa slamat dari hukuman dosa.

‘Di akhir jaman, Kita tu Tuhan Allah mo kase cura tu Kita pe Roh pa samua orang. Ngoni pe anak-anak laki-laki deng parampuang mo kase tau pa orang-orang apa tu Kita da bilang pa dorang. Tu anak-anak laki-laki muda mo dapa penglihatan, kong tu orang-orang tua laki-laki mo dapa mimpi.

Samua orang yang so percaya itu so jadi satu, dorang ja bakumpul sama-sama. Samua harta yang ada pa dorang, dong pake sama-sama. Dorang jual dong pe harta, kong tu doi dorang kase berbage pa orang-orang iko tu orang-orang pe perlu masing-masing.

Kong sapa tu minta Tuhan se slamat pa dia dari tu hukuman dosa, dia itu mo slamat.’ ”

Matahari mo bruba jadi glap, kong bulan mo jadi mera sama deng dara. Itu samua mo jadi seblum Tuhan mo datang ulang for adili pa samua orang. Hari itu, hari yang basar deng luar biasa.