Popular Bible Verses from 1 Korintus 3

Share

Ngoni pasti tau kalu ngoni itu sama deng Tuhan Allah pe Ruma Ibada Pusat, kong Tuhan Allah pe Roh da tinggal pa ngoni.

Soalnya Yesus Kristus itu no tu fondasi, kong nyanda ada satu fondasi laeng yang orang laeng bole beking, kacuali tu fondasi itu.

So itu, yang penting di sini bukang tu orang yang da batanang ato yang da basirang, mar yang penting itu Tuhan Allah yang da se batumbu.

Soalnya torang dua ini tamang karja yang bakarja for Tuhan Allah. Ngoni itu sama deng Tuhan Allah pe kobong tu tampa torang da karja akang, deng ngoni itu lei sama deng Tuhan Allah pe bangunan.

Soalnya nanti di hari waktu Tuhan mo adili samua orang, tu karja dari tiap orang mo dapa lia, apa itu bagus ato nyanda, itu sama deng tu bahan yang da pake for beking tu bangunan da dapa tes deng api, apa tu bahan itu tahang waktu dapa bakar ato nyanda.

Tu orang yang da batanang deng yang da basirang itu sama dorang pe tujuan, kong dua-dua mo trima tu upah iko tu karja yang masing-masing da beking.

Kalu ngoni anggap tu ngoni pe diri itu bijaksana, itu sama deng ngoni so tipu tu ngoni pe diri sandiri, lantaran apa yang ngoni tau itu cuma iko dunia pe cara bapikir, mar di muka pa Tuhan Allah ngoni itu sebenarnya nintau apa-apa. Kalu ada orang yang anggap dia bijaksana iko dunia pe cara bapikir, lebe bae dia anggap de pe diri itu nintau apa-apa, supaya di muka pa Tuhan Allah dia itu bijaksana.