Popular Bible Verses from 1 Korintus 11

Share

Bagitu lei waktu abis makang, Tuhan Yesus ambe tu cawan deng babilang, “Tu anggor di cawan ini, ini no tu perjanjian yang baru antara Tuhan Allah deng manusia, yang da se metrai pake Kita pe dara. Tiap kali ngoni minum di perjamuan, ngoni beking jo rupa tu torang da beking skarang ini for inga pa Kita.” Jadi tiap kali ngoni beking perjamuan makang roti deng minum anggor di cawan, itu sama jo deng ngoni se tau ulang pa orang-orang tentang Tuhan pe kematian sampe Dia datang ulang.

Kita se tau pa ngoni apa tu kita so trima dari pa Tuhan sandiri, bagini: tu malam waktu orang hianati pa Tuhan Yesus, di perjamuan itu Dia da ambe roti, trus Dia bilang makase pa Tuhan Allah. Klar itu Dia se pela-pela tu roti deng babilang, “Ni roti Kita pe badan yang Kita srahkan for ngoni. Ngoni beking jo rupa tu torang da beking skarang ini for inga pa Kita.”

So itu lebe bae tiap orang priksa dulu tu de pe hati sandiri kalu so siap, baru abis itu dia iko perjamuan makang tu roti deng minum tu anggor dari tu cawan. Soalnya sapa tu da makang roti deng minum anggor, mar dia pe kalakuan nyanda pantas waktu beking tu perjamuan, dia itu nyanda da hargai tu Tuhan pe badan. So itu dia mo dapa hukuman dari pa Tuhan.

So itu, kalu ada yang makang roti deng minum anggor for inga tu Tuhan pe kematian, mar dia pe kalakuan nyanda pantas waktu beking tu perjamuan itu, dia itu so berdosa lantaran dia nyanda hargai tu Tuhan Yesus pe badan deng dara.

Ngoni iko jo tu kita pe cara hidop, sama lei deng kita da iko tu Kristus pe cara hidop.