Popular Bible Verses from Titus 1

Share

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

A sé tou le'nas an dior i Casuruan, sapake' waya en émaanna le'nas. Taan sé tou najis wo sé ra'ica maéman a si Casuruan, em pawasan wo em pengaémaan éra ra'ica loor ampa'paan en até wo em bewerot éra najis.

Séra ka'i musti tou wutu-wutul makiit in sususuien wutul si sususuien aisusuio ai séra. Wo in taniitu kawooan éra maké in sususuien wutul itu en sumina'u sé tou wo ka'i makawoo rumondor im bewerot é tou sé masundur in sususuien itu.

Sé mengatilik an jamaat en tawoienna mengatu'tul sé jamaat i Amang Kasuruan, sia musti menonou ra'ica wana e ro'na méé kaséaan, ra'ica tirayo, ra'ica tae'bow, ra'ica lalangun, ra'ica tampenokolen wo ra'ica ata in doit. Taan séra musti masalé' materima sé tou walina en lumosér am baléna, masalé' mengaéma' sé loor, pinter, ra'ica marapit, menonou le'nas wo makawoo tumang ing kasalé'an in owak.

Sé tou angkaien mamuali penatua musti tanu sia'i: ra'ica wana e ro'na méé kaséaan ai sia, wayake' in esa wéwéné e mamuali penanaan, sé toyaangna maéman a si Casuruan wo in taniitu ra'ica wana tou e makua sapaoka sé toyaang itu makaperi ra'ica loor kuma'pa tansunduren.