Popular Bible Verses from Wahyu 3

Share

Séréno! Yaku makatulung an dior im papalen wo tuméngkor. Sa awéan tou luminga in suara-Ku wo muka' im papalen, muntep oka Aku meta'up wo isia, wo kuman mewali-wali wo isia, wo sia kuman mewali-wali wo Yaku.

Kailekan-Ku waya e niéma' miow. Kamu ra'ica uting wo ra'ica paso', lébé loor sisiren iow uting kuma'pa paso'. Anaé, ampa'paan kamu lao-lao, wo ra'ica uting kuma'pa paso', ipelua'-Ku oka kamu am ba'ba'-Ku owo.

Sé tou sé icaupus-Ku, sérao sé romaan-Ku wo samboken-Ku. Ampa'paan in itu maincaya'o mangé sumawel wo mape'diso.

Kailekan-Ku waya e niéma' miow. Winukaan-Kuo em papalen torona miow wo ra'ica wana e ro'na malen. Kailekan-Ku ka'i sapaoka eng kaketeran iow wayake' im pira, taan kiniitano miow en sususuien-Ku wo ra'ica sumangkal i ngaran-Ku.

Si tou muntung ilukut-Ku oka sia ang karapi-Ku asi palukutan pasiri-siriin-Ku, meputé wo Yaku si muntungo wo lumukut mewali-wali wo si Amang-Ku asi palukutan pasiri-siriin-Na.

Aicua miow, ‘Kami anio' tou imasiya'o wo sapa-sapake' awéano ai cami, ra'ica wana e maina' ai cami,’ taan ra'ica kailekan iow en ulitna kamu itu tou sumusa-susa wo kawendun oka mai, lengéi, wola wo metangkol.

Kiniitano miow em peré-perénta-Ku ang karapi in talesen. Ampa'paan in itu loindongen-Ku oka kamu asi oras im pangepé'an si maai oka ang kayo'baan e mangepé' iséra sé maento' ang kayo'baan.

Ra'io uré ka'i Yaku maai! Téirano sumama-sama' sapa sé anu miow, wosama' ra'ica wana tou e rumombit i mahkota miow.

Menonouo mangé sumawel maéman a Yaku wo keteren sumawel em paémanen iow si matawio maté, ampa'paan kailekan-Ku ra'ipé' wana en lekep mandé esake' en tinawoi miow an dior i Amang Kasuruan.