Popular Bible Verses from Wahyu 16

Share

Icua i Casuruan “Séréno, Yaku maai oka tanu rombit. Pakakamangen sé tou sé tumu'tulo ing katouanna, sia itu puté wo sé tou en tumu'tulo ing karaina wosama' sia ra'ica malawi' kaséréan é tou sa sia metangkol.”

Wo ituas ka'i i malaékat kaenem sé an untep im paelepanna itu an doyongan wangker makangaran Efrat, wo en dano in doyongan itu mapera akar tu'tulo en lalan é kolano sé mai a micona owo.

Séra ituo sé roh é sétang sé mengaéma' in tuu-tuus kakaya'kaan. Wo séra mangé meta'up asé im pakasa é kolano am pakasa ing kayo'baan wo lumi'us iséra e mangé merang asi endo si Amang Kasuruan si Makakawasa makim sé tou.

Wo kaséréanku awéan telu roh léwo' tanuoka kesol. Sé telu roh léwo' itu, si esa kumesot am ba'ba' i naga, si esa kumesot am ba'ba' i binatang, si esa ka'i cumesot am ba'ba' i nabi ra'ica wutul.

Sé tou rinengis im paso' in api si ra'io icakua, akar ojaten éra e ngaran i Amang Kasuruan si makakawasa ing kawangkuran-kawangkuran itu. Wo séra ra'ica mape'dis wo ka'i ra'ica rumayo wo sumiri' Sia.

Wo si malaékat kataré mangé wo ituasna sé an untep im paelepanna itu ang kayo'baan. Wo pakasa é tou sé awéan tuus i binatang itu wo makuru en sumiri' asi patongna, linemboan ing kupes léwo' wo kaindéén keli.

Wo li'usen é telu roh léwo' itu sé kolano an esa tampa, en tampa itu a nunuwu' é Ibrani patuulen Harmagedon.