Popular Bible Verses from Filipi 1

Share

Si Amang Kasuruan in esao en tumo'tol in tawoien loor itu an uner iow, anaé wutu-wutul percayanku ilala'us-Na oka en tawoien anio' akar asi endo i Kristus Yesus maai sumawel.

Wo si anioo en sombayangku, wosama' en upus iow a si Amang Kasuruan wo sé kakélé tou makaawes, wo makaawes ka'i eng kakailekan wutul andumoro' si wisa si wutul wo si wisa si ra'ica wutul, akar ro'na sisiren iow si loor. Wo in taniitu, akar asi endo i Kristus maai sumawel eng katouan iow weresi wo ra'ica wana kaséaan.

Ampa'paan sa kiit yaku, ang katouan anio' menonouke' torona i Kristus. Wo sa aku maté, siituo eng kauntungan ampa'paan aku menonou oka ang karapi i Kristus.

Susurku in tuma'néi icamu, pengakuaku mangé i makapulu'sama' a si Amang Kasuruanku.

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

En icasalé'ku wo em paarapenku wosama' aku ra'- ica papalawi' mengaéma' in tawoien si aiwéé i Amang Kasuruan. Wo em butulna en casalé'ku sapaoka intarépé' aku kasake' ra'ica maindé' mengakua andumoro' i Kristus kaputé indior. Anaé aku menonou kuma'pa maté ra'ica sapa-sapa, em penting keli si Kristus em parayo wo pasiriin am pakasa sé pengaémaanku.

Ampa'paan kamu tinambérano mai ing kamang i Amang Kasuruan ra'ica asaloke' maéman a si Kristus taan ka'i imawendu ampa'paan maéman ai Sia.