Popular Bible Verses from Markus 14

Share

Icua i Yesus, “O Abba, o Amang. Kailekan-Ku, pakasa ro'na émaan i Amang. Sa woo ro'na angkaieno mai eng kawenduan anio' a Yaku. Taan ra'ica iciit ing kasalé'an-Ku, iciito ing kasalé'an i Amang.”

Matéi-téiro mangé wo sumombayango wosama' kamu ra'ica makéré im pangepé'an. Ulit en até miow masalé' méma' sé aicua-Ku, taan ra'ica kaémaan in owak iow.”

En ulitna icua-Ku mangé ai camu, am bisake' sé tou makua in Abar Kaaruien-Na a sé tou ang kayo'baan, tantu ipakua éra sapa e niéma' i wéwéné anio' a Yaku, en tuma'néi sia.”

Wo icua-Na ai séra, “En até-Ku wenduo keli, kapendaman tanu matawio maté. Mentoo mio' am bia'i kamu wo matéi-téiro mangé.”

An tutuw i Yesus ang karoro'an i makan mewali-wali wo sé murit-Na, indon-Na e roti wo kumua mangé makapulu'sama' a si Amang Kasuruan, te'bi-te'biin-Na e roti itu, wo yéké-Na ai séra wo kumua, “Indono, si anioo en owak-Ku.”

Kekawus in itu indon-Na em paelepan in anggor wo kumua i makapulu'sama', wo iwéé-Na ai séra. Wo pakasa séra melep asi paelepan itu. Icua-Na ai séra, “Si anioo en enda'-Ku, enda' im perjanjian si aituas torona é tou keli.

Wo icua ka'i i Yesus, “Pakasa kamu tumela'u oka Yaku, ampa'paan aicuao i Amang Kasuruan ang Kitap Le'nas in tana'i, ‘Patén-Ku oka Si Gembala, wo sé domba-Na icasera-serar oka.’

Tumooro! Mayoo kita mangé a si tou sumarakan Yaku, ampa'paan sia matawio.”

Wo icua i Yesus ai sia, “En ulitna icua-Ku ai co, asi endo anio' asi wengi anio'ke', ra'ipé' kumukuk karua si co'ko', ico isumangkalo Yaku makatelu.”