Popular Bible Verses from Markus 11

Share

Ampa'paan in ituo icua-Ku ai camu, sapake' en aisombayang wo em pinangilek iow a si Amang Kasuruan, percayano sapaoka en itu tinerimao miow wo en itu kéréan oka miow.

En ulitna icua-Ku mangé ai camu, si séike' mangé eng kumua a si cuntung anio', ‘Icaangkaio wo icawangkilo an ta'sic!’ Asalo en aténa ra'ica marua-rua wasa taan uli-ulit maéman sapaoka en aicuana itu mamuali oka, en itu tantu mamuali oka.

Sa kamu tumulung en sumombayang, musti ampunganmu owo eng kameséaan i esa tou ai co wosama' si Amang iow an sorga méé oka ka'i kaampungan ang kameséaan iow.” [

Wo isowat i Yesus ai séra, “Maémano mangé a si Amang Kasuruan.

Wo Sia sumusui ai séra, icua-Na, “Ang Kitap Le'nas aipatic in tana'i, ‘Em balé-Ku patuulen oka é tou walé pengasombayangan é pakasa im bangsa.’ Taan niéma'o miow tampa mengauwak sé tou!”

Sé tou mawaya' an dior i Yesus wo sé walina ka'i makiit an somoi. Ang karoro'an imawaya' séra marayo-rayo Sia ang karapi i maangko', “Hosana! Irayoo mangé Sia si mai a ngaran i Amang Kasuruan.

Pakakamangen Sia si mai kumawasa tanu kolano meputé si apo'ta Daud. Hosana! Irayoo si Casuruan an tampa Rumangka-Rangka'!”