Popular Bible Verses from Lukas 3

Share

Pakabaptisenai i Yohanes sé tou keli itu wo baptisennao ka'i si Yesus. Ang karoro'an i Yesus masombayang, mawuka'o mai en langit wo e Roh Le'nas si tanuoka mombo tumumpa mai ai Sia. Wo kalingaano en suara i Amang Kasuruan maroma' in tana'i, “Icoo si Toyaang-Ku si caupus-Ku. Icoo e mengaarui in até-Ku.”

Wo icua i Yohanes ai séra, “Baptisenku kamu in dano, taan kekawus yaku maai oka si Tou eng kawasa-Na lumébé mai wo yaku, muka' in tali in sapatu-Na, yaku ra'ica patus. Baptisen-Na oka kamu i Roh Le'nas wo in api.

Wo tioo kamu mawerot ampa'paan kamu taranak i Abraham akar kamu malowir sa, icuaku ai camu, sé watu anio' ro'na émaan i Amang Kasuruan mamuali taranak i Abraham. Aweso taré kamu mengaéma'o mangé pakasa sé loor tanu tuus kamu imape'diso ang kamesé-meséaan!

Sé tou ra'ica kiim mape'dis maéma' ing kaléwo'an, ukumen oka i Amang Kasuruan. En andéanna tanu si tou tumongkéi in tuura, si tumu'tulo im pati an a'mut in tuura en tongkéi in tuura sé ra'ica mengawéé wua'na loor wo tiya' an api.”

En itu meputé si aipatic an untep ing kitap i nabi Yesaya tana'i: “Awéan oka tou mengangko-ngangko' an tana' kapayasan, em paangko'na tana'i, ‘Tu'tuleno en lalan torona i Casuruan wo rondoren en lalan langkoian-Na. Pakasa en léona pakatawu-tawunan, eng kuntung wo en tolaina pakarata-ratan, en lalan mapéngko-péngkor pakarondo-rondoren wo sé lalan ra'ica rata, pakarata-ratan. Wo pakasa en tou ang kayo'baan suméré oka tambisa si Amang Kasuruan lumowir sé tou.’ ”