Popular Bible Verses from Kolose 1

Share

Kita aiwekaro i Amang Kasuruan asi kawasa ing kariréimbengan wo yéra-Na ang Kakolanoan i Toyaang-Na si caupus-Na keli.

Ampa'paano si Kristus, akar émaan i Amang Kasuruan pakasa sé ang kayo'baan wo sé an sorga, pakasa sé kaséréan wo sé ra'ica kaséréan, tanumai palukutan pasiri-siriin kuma'pa kakolanoan, roh sé maperénta kuma'pa sé makakawasa. Em baya-waya niéma' i Amang Kasuruan ampa'paano si Kristus wo torona i Kristus.

Ra'ipé' niéma' em baya-waya si Kristus awéano, wo Siao ka'i en tumu'tul pakasa in itu an tampana asi esa wo si esa.

Si Kristus itu tanu paséréan pakasa im peri i Amang Kasuruan si ra'ica kaséréan. Si Kristus itu Toyaang-Na luluna si lébé penting asé pakasa sé niéma'-Na.

Ampa'paano in itu, tumo'tolai kami luminga andumoro' miow, kami ra'ica mento' menomba-nombayang torona miow. Pekiupusen ami a si Amang Kasuruan wosama' kamu wéan-Na mai ing kapinteran wo ing kakailekan wutul, wosama' sapa sé icasalé'-Na, kailekan iow im butul. Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.