Popular Bible Verses from 2 Tesalonika 2

Share

Tioo kamu kauwakan é tou sapake' mangé en lalanna. Ampa'paan an tutuw ra'ipé' mai si Apo' Yesus, tantu mamuali owo sé andumoro' in anio': Keli sé tou maéman mamualio léwo' wo kumélong si Casuruan. Wo awéan si tou luméwo-léwo' mai mapaturu' in owakna, si tou itu aitantuo yuntep ang kayo'baan é tou imatéo.

Poo-poow sé icaupus i Casuruan! Kami mengua-ngua i makapulu'sama' a si Amang Kasuruan andumoro' icamu, ampa'paan sinisir-Nao kamu asi kataré-taré en lowiren. Wo eng kalowiran itu mamuali ai camu, ampa'paan tatawoi i Roh Le'nas, si lume'nas icamu wo ampa'paan kamu maéman in sususuien wutul i Amang Kasuruan.

Si tou ituo en sumundur si Amang Kasuruan wo mengaangkai in owakna rumangka'mai asé im pakasa é opo-opo' sé paanggapen é tou tanu Kasuruan. Wo ka'i sia lumukut an untep im Balé Le'nas wo an dior é tou icuana sapaoka siao si Amang Kasuruan.

Si Apo'ta Yesus Kristus wo si Amang Kasuruan, Amangta mengaupuso mai cita. Aitambér-Nao mai en upus-Na ai cita wosama' ro'na méé ing kaketeran an até akar ing kauré-uré, wo méé mai im paarapen ai cita e makéré oka sé loor. Pekiupusen ami a si Amang Kasuruan wo a si Yesus Kristus, Apo'ta e méé mai ing kaketeran wo ing kaincayaan an até miow wosama' kawooan iow méma' im pakasa sé loor wo manuwu' in andumoro' sé loor.

Ampa'paano in itu émaan i Amang Kasuruan séra casélé'kow akar mapercaya a sé ra'ica wutul.

Wo si tou luméwo-léwo' itu mapaturu' mai maké ing kawasa i kikiiten é sétang wo sia muwak sé tou ang karapi in tumuru' in tuu-tuus kakaya'kaan sé kalinteren wo kala'meren oka mai. Sia itu maké i membam- balinaan em pakauwak léwo' sé tou akar i maka'pu. Sé tou itu ang karoro'ano im pepaté-patén ampa'paan séra ra'ica masalé' luminga in sususuien wutul asi Amang Kasuruan owo in andumoro' i Apo' Yesus wo ra'ica kiim lowiren.

Si tou luméwo-léwo' itu mato'tolo matawoi taan maene-enepé' ampa'paan awéané' en itumang. Taan awéan en orasna si menanang sia itu patén.