Popular Bible Verses from 2 Korintus 1

Share

Mayoo kita rumayo si Amang Kasuruan, Amang i Apo'ta Yesus Kristus. Sia itu Amang si wuta ing kaupusan wo Siao si Amang Kasuruan si mengibo-ibor icita. Sia mengaibor icami am pakasa ing kawenduan ami. Sia maibor taniitu wosama' kami ro'na mibor sé tou walina an sapake' eng kawenduan éra, ang karapi im paiboran si tinerima ami asi Amang Kasuruan.

Keliano eng kawenduan sé pinendam ami mai tanu ing kawenduan si pinendamai i Kristus. Wo ampa'paano i Kristus kami makéré im pangiboran sé kumeli-keli.

Kami uli-ulit makapendam tanuoka im pinonéso in ukumen patén. Taan en itu mamuali wosama' kami ra'ica asalo mercaya in owak ami in esa, taan kasake' maéman a si Amang Kasuruan si tumou sumawel sé tou imatéo.

Si Amang Kasuruano in esa iméma' icami wo icamu keter meesa ang karapi i Kristus. Siao en sumisir icita, wo isumégél icita tanu tuus anu-Na. Wo Siao e méé mai si Roh Le'nas an atéta tanu titimboian sapaoka iwéé-Na oka pakasa sé aijanji-Na ai cita.

Sa kami makéré ing kawenduan, en itu e méé pangiboran wo ing kalowiran ai camu. Wo sa kami iboren, en itu iboran ai camu ka'i, akar kamu makatalesen sumaru ing kawenduan-kawenduan sé meputé im pinendam ami mai.