Popular Bible Verses from 1 Timotius 4

Share

Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.

Numaram in owak akar i maketer wayake' im pira eng katoronaan taan numaram in owak mengaapo' a si Amang Kasuruan, kelian eng katoronaanna. En itu tanu si aijanji-Na e maali mai ing kamang ang katouanta intarépé' asi cayo'baan anio' wo ka'i ang katouanta sa.

Ampa'paan ituo, téirano mangé sumama-sama' en owakmu wo ka'i téirano mangé sumama-sama' en sususuien wutul itu. Ico musti le'tek mengaéma' im pakasa in itu. Sa émaanmu waya en itu, ico lowiren i Amang Kasuruan ang karapi é tou sé mengalinga ai co.

Icua i Roh Le'nas ang karapi i mauli-ulit, sa matawio en endo kaka'puan ing kayo'baan, awéan oka tou sé maémano a si Casuruan, ra'io ka'i maéman ai Sia. Sé tou itu makiit oka sé sétang wo masélé'kow in tou wo ka'i mengaéma' oka in sususuien é sétang.

Taan tumayang angé a sé tou sé masisil in sisisilen sé asalo niéma' é tou wo in sisisilen ra'ica wana torona. Aweso taré penganaramenmu sumama-sama' en owakmu mengaapo' a si Amang Kasuruan.

An tutuw ko mengento-ngento' yaku maai, lume'te-le'teko mangé ko maca ing Kitap Le'nas torona é tou am bitu. Pokéian wo susuiano mangé sumama-sama' séra wosama' séra makaketer em paémanen.