Popular Bible Verses from 1 Petrus 5

Share

Isarakano mangé ai Sia pakasa eng kaindé'anmu, ampa'paan Siao si makatéir icamu.

Taan eng kawenduan si pendamen iow itu ra'ica uré. Kekawus in itu, émaan oka i Amang Kasuruan em paémanen iow makaleke-lekep wo émaan-Na oka en até miow makaketer wo émaan-Na ka'i kamu mauli-ulit maéman ai Sia. Ampa'paan Sia itu Amang Kasuruan si palemboian waya ing kamang aitambér wo itumowao icamu maéman a si Kristus, wosama' kamu kumiit mendam i rarayo wo en sisiri'-Na akar ing kauré-uré.

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna. Musti sunduren iow si kikiiten é sétang ang karapi im paémanen keter. Ampa'paan kailekan iow ka'i sapaoka sé poo-poow iow an esa paémanen am bisa-wisa ang kayo'baan imendamo ing kawenduan meputé im pinendam iow.

Ampa'paan in ituo, ko'koso mio' en owakmu an dior i Amang Kasuruan si kumete-keter, wosama' asi oras si aitantu-Nao, irangka'-Na oka kamu.

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”