Popular Bible Verses from Mbete Rɔmri 6

Share

Kpaŋndɔk Suya ra ɓa hul, mí fe hi̧na ké Ŋgerzah hi̧ na a wah ké nah ƴo ziŋ Mbay Zezu Gaŋ wah ba, ɓa ɔkna ye ké ƴo ziŋ na sew ke sew.

Í hi̧ mun woiri hi̧ Suya ya rɔkɔ ké mbi mun woiri ɓa fe rem-laɓ suya ye. Le kandɔk nzukri ké ti̧h ké sakra hulri el kaɓ ke ɔkna, í poŋ mun woiri yɔɗ hi̧ Ŋgerzah ɓay ké mbi mun woiri ɓa fe rem ketina ye ɓa záh woiri ma, ɓayu ké Suya ta lak mbay tul woiri ya ɓayu ké mbete bolkusol Ŋgerzah mgba tul woiri mba. Le lawsuki Ŋgerzah mí mgba tul woiri wara.

Ɓil batem ye-aw nah hu ziŋ ni ké ɓilu, ku gɔr na ziŋ ni mbew yaŋ. Kandɔk Ŋgermbay ké ti̧h ké sakra hulri ɓay riŋ ɗina baah, kaŋ pi mí a wah kara nah ti̧h ziŋ ni ke ɔkna ɓa nzuk pirmatul a foyu ɓay náh si siŋ sina nzuk pirmatul a foyuri.

Í hi̧ mun woiri hi̧ Suya ya rɔkɔ ké mbi mun woiri ɓa fe rem-laɓ suya ye. Le kandɔk nzukri ké ti̧h ké sakra hulri el kaɓ ke ɔkna, í poŋ mun woiri yɔɗ hi̧ Ŋgerzah ɓay ké mbi mun woiri ɓa fe rem ketina ye ɓa záh woiri ma, ɓayu ké Suya ta lak mbay tul woiri ya ɓayu ké mbete bolkusol Ŋgerzah mgba tul woiri mba. Le lawsuki Ŋgerzah mí mgba tul woiri wara.

Nah tu wuri ɓahri se, sa̧w mbuŋna wah a titilu hu ziŋ ni mbew ké tul kpuh vbatay ɓay ɔh ziŋ Suya hi̧ Suya ɓá lak mbay tul mun wah mba. Dale nah ɓa mgbal Suya mba.

Kaŋ pi mí a woiri ké i ƴo ziŋ Mbay Zezu ra, ɓay Suya le, í ko mun woiri ɓa hul ɓayu ké i sɔɓ fal ti Suya. Sa̧w kaɓna woiri ɓa Ŋgerzah wara.

Mí kaŋaw ba, ɓay fe mí-i él ɓah ɓáy le ? Náh toŋ laɓ suya ɓay hi̧ lawsuki ye ɓá seh ma pol le wo ? Kaŋ ya ! Nah hu poŋ suya da ba, ani wara mí nah el mbí suya si keni siŋ sina ra ɓáy le ?

I tu wuri ya lo ? Gelke i hi̧ tul woiri hi̧ nzuk ɓay lah nzak ye dale, i ɓa mgbal nzuku. Kusol nzuk a suŋ suŋ ké i lah nzak ye le, i ɓa mgbal ye. Ɓa ra Suya ké si ziŋ mu gel hul mini ɓa hȩ́k Ŋgerzah ké mbu̧h mu mbew ziŋ ni le, i ɓa mgbal ye.

Lawsuki ɓa nzuku a Ŋgerzah ɓay fe le, lewsa̧ i ɓa mgbal Suya, keni-aw kara i lah sa̧w fe sɔkna mbete bolkusol ké i mgba giri giri ma law. Mí sal mgbal Suya nzom ké tul woiri da-ay, i ti̧h ɓa mgbal sal in Ŋgerzah ké-e ŋga̧h ziŋ wuri ɓa záh woiri wara.