Popular Bible Verses from Mbete Rɔmri 4

Share

Law ye ma̧y wahɓayu ya. Le law ye ké-e kan sa tul Ŋgerzah ra, mí ke ziŋ keni ŋgerna pi, ke dim keni Ŋgerzah pi. Ke tu te-teh, ɓay ké Ŋgerzah wah-aw ra, Ŋgerzah ƴo ke huhrumun. Le ke laɓu gaŋ.

Kaŋ mí yá̧ fe baah Ŋgerzah ra sa̧wu ɓa kanlaw sa tul ye ɓay hi̧ lawsuki ye ɓá ŋga̧h wahɓayu ɔh ziŋ mi̧hri Abaraham gbam. Ziɓri ké ƴo ke bolkusol Ŋgerzah, ta ɓa a woyri ke hȩk woyri mí ku ya̧ fe baah ya. Le sa̧w nzuk a suŋ suŋ ké kan law kandɔk Abaraham pi. A ye, ke ɓa zih wah gbam kandɔk ké nah tu wuri tu Ŋgerzah ɓah hi̧ ni ɓahri : Mi laɓ mu ɓa zih sa̧wnzukri ɓa ŋgi̧-u ya̧h ya̧h . Mí Abaraham kpɔ-kpɔkrɔ kara ke kan law tul Ŋgerzah Nzuk wahɓayu ké hi̧ feri ti̧h ke titilu da̧y ké fe mbew ta-a ɓáy, ke kan law tul Ŋgerzah Nzuk-tom hulri pi.

Ke hu hul buma ɓay tí̧h zer wah, mí ke ti̧h ke puh záh ke pa̧ymun a foyu ɓay sal in ké Ŋgerzah ŋga̧h mí hi̧ ni ke ƴo ziŋ na ɓa záh wah.

Abaraham tu ɓahri, tí̧h ɓa zih sa̧wnzukri ɓa ŋgi̧-u ra mahful ta-a ɓayu kú-u kpɔkrɔ da, mí ke ɓaŋ law kan tul wahɓay-aw ké Ŋgerzah wah ɓahri : Mi̧hri wo ɓay seh kandɔk gunwu̧y nunmbamri kaŋ pi .

Kaŋ mí yá̧ fe baah Ŋgerzah ra sa̧wu ɓa kanlaw sa tul ye ɓay hi̧ lawsuki ye ɓá ŋga̧h wahɓayu ɔh ziŋ mi̧hri Abaraham gbam. Ziɓri ké ƴo ke bolkusol Ŋgerzah, ta ɓa a woyri ke hȩk woyri mí ku ya̧ fe baah ya. Le sa̧w nzuk a suŋ suŋ ké kan law kandɔk Abaraham pi. A ye, ke ɓa zih wah gbam kandɔk ké nah tu wuri tu Ŋgerzah ɓah hi̧ ni ɓahri : Mi laɓ mu ɓa zih sa̧wnzukri ɓa ŋgi̧-u ya̧h ya̧h . Mí Abaraham kpɔ-kpɔkrɔ kara ke kan law tul Ŋgerzah Nzuk wahɓayu ké hi̧ feri ti̧h ke titilu da̧y ké fe mbew ta-a ɓáy, ke kan law tul Ŋgerzah Nzuk-tom hulri pi.

Pol tehna ƴo ziŋ nzukri ké salɓay-poŋ Ŋgerzah lu ké tul woyri, ké suya woyri ta mba. Pol tehna ƴo ziŋ nzuk ké Gaŋ tul feri riw ki̧ suya ye ya .

Kandɔk ké mbete ɓah ra, Abaraham kan law sa tul Ŋgerzah, mí Ŋgerzah ko ni ɓa gun ye ké ƴo mbew ziŋ ni gaŋ ba .