Popular Bible Verses from Mbete Rɔmri 13

Share

Dale í mbi wuri Gaŋ tul feri riw, a ye Ŋgermbay Zezu í ndoh ni ɓa gar riŋ ɗina woiri. Í lu kerɓay-laɓ fe ké voh ɗaka haymun woiri ma fal.

Mbɔl ɓá na tul woiri ya. Mbɔl ƴo ri le, ɓá na ɓa mbɔl law sana ké i sa haniri. Nzuk ké sa nzuk a ɓoru le, ke ƴo tul bolkusol ɔh ke gelu gelu gbam.

Ŋgerzah mí hi̧ lák mbay. Nzuk a a̧yri ké ƴo ri-ay, lák mbay woyri gbam ur ké ta̧w ye. Mí nzuk a suŋ suŋ le ɓá hȩk nzuk-lak tusiɓari.

Suŋ sih mí gel fa̧h hoh. Tipele ɗih ziŋ na mba. Náh lur wuri fe laɓna tirim, náh ndoh wuri gel tehna ɓa fe rem wah.

Law sana laɓ fe a se-u ziŋ mbaŋ wo nzuk pirmatul ya. Law sana mí bal tul ɓay bolkusol.

Í hi̧ a ge ge le, fe ké-e vbi. Ɓa ra lampoh kara í hi̧ nzuk lampoh. Ɓa ra fe mbu̧hna kara í hi̧ nzuk fe mbu̧hna. Ɓa ra hȩkna kara í hȩk nzuk hȩkna. Ɓa ra rohna kara í roh nzuk-lak tusiɓari.