Popular Bible Verses from Mbete Filipiri 2

Share

Kerɓay sere ɓá ta-a. Hú̧h tul ɓá ta-a. Wara le ɗíŋ tul hi̧ haniri ɓá ƴo ri. Í mgba mbaŋ woiri gunri mah ke ŋgereri, gbamaw ɓa nzukri ké mba wuri mba. A ge ge le ɓá lu kerɓay tul ye ma fal, ké ker si tul nzuk a ɓoruri ma.

Kandɔkaw, ké sakra woiri í hi̧ kerɓay woiri ɓá mah ke kerɓay Mbay Zezu.

A ye ke ɓa mun Ŋgerzah. Ke ɓa Ŋgerzah kara ke ko gel ƴona ye ta ɓa gel-lak mbay ke ŋgerna ya. Mí ke poŋ riŋ ɗina ye ma fal, ke el mbi gel ƴona mgbal, ke ba hani ke nzuk pirmatulri. Ké-e ti̧h ɓa nzuk pirmatul ba, ke ɗiŋ tul ye. Láh nzak Ŋgerzah si ziŋ ni ka̧h hul. Dale ke poŋ mun ye hu hul mgbal ké tul kpuh vbatay.

ɓayu ké Ŋgerzah ƴo hi̧ wuri kerɓay-laɓ suki, ke ƴo hi̧ wuri huhrumun laɓu pi ɓa fe law sana ye.

Sa̧wu mí Ŋgerzah ɔr tul ye ma síɓa, ke el ɗi ni ke riŋ ye Gaŋ tul feri riw, riŋu kal tul riŋ ɗina a ɓoruri gbam ka-kal ɓay hi̧ nzukri, záhri, fe a ɓoruri gbam ké nunmbam, ké tusiɓa, ké puh záhri, gbam ɓay huk siɓa gburuk ɓay riŋ Zezu. Ku ɓáh ke nzak woyri ɓahri, Ŋgermbay Zezu mí ɓa Miƴori hi̧ riŋ ɗina baah Ŋgerzah mgbe.

Í su̧h ɓay ya, í ɓal hani ya ɓay hi̧ í ƴo dan ɓay, hi̧ í tu suya ya, hi̧ í ɓa gun Ŋgerzahri ké suya rɔɓlɔ wuri ké sakra nzuk tukalari ya. Kerɓay nzuk tukalari ra̧-ra̧h, tul woyri ƴo gelu ya. Mí a woiri ba, i na ɓa gel tehna woyri kandɔk fe-teh gelri ké nunmbam. I mgba ɓay ké hi̧ ɔkna. Ɓay tul woiri, mi ɓay vba̧ haŋ kpu̧ru ka̧h nam gina Ŋgermbay ɓay fe le, rúh mun bi ɓay tul woiri ke ta̧hma bi kal ndikpo ya.

Dale gun sana biri, sew ké mi ƴo ziŋ wuri ra, i ƴo hȩk Ŋgerzah kpatara, aŋay ké mi ta-a kara i ƴo hȩk ni ma pol ɓáy. Mí ke hȩkna ke mun tona í hi̧ ɔkna woiri ké i ziŋ ké ta̧w Ŋgermbay ra ɓá laɓ pihna ka̧h gbu̧h