Popular Bible Verses from Mbete Galaɗri 6

Share

Law nzuk ké ƴo tul laɓ suki ɓá voh ke laɓu ya. Ɓayu ké nzuku ta̧h ra ya le, ke ɓay ziŋ fe-u ke fewu gaŋ.

Mí-aw bale náh laɓ wuri suki hi̧ nzukri riw, nda ka̧w ke zaŋu. Wara le náh laɓ suki hi̧ gun puh-uri a woyri nzuk-kan law tul Ŋgermbayri ɓá kal tul suki ké nah laɓ ziŋ nzuk a ɓoruri.

Suya nzuku na ɓa sukna a yih-u, í ya̧ wuri sukna-aw ké tul hani. Kaŋ mí i ɓay ƴo tul bolkusol Ŋgermbay ke gelu.

Í rɔk mun woiri ya. Ŋgerzah ra nzuk ta yi̧-yi̧hna ziŋ ni ya. Gelke nzuk ruh mi̧hri fe le, fe-u gaŋ mí ke ziŋ.

Ɓay fe le nzuk ruh mi̧hri ké haymun ye le, mun hay ye ɓay hi̧ fe-u leh ɓa fe ké ka-kal. Nzuk ruh mi̧hri ké Tempuki bale, Tempuki mí ɓay hi̧ fe-u leh ɓa fe ké ka-kaɓ sew ke sew ɓa ŋgɔh.

Yi̧n biri, gelke i ndukru nzuk mbew ké sakra woiri ƴo tul mbá nzak Ŋgerzah le, a woiri ké kerɓay Tempuki ƴo law woiri ra, í si ke kusol a voh-u kandɔk ké Tempuki sɔk wuri, í lek hi̧ nzuku-aw ɓá el ƴo gelu, í si ke kerɓay ké na ger rɔkɔ fe-leh law ɓá rah wuri hi̧ í toh ɓilu pi.

Mí gelke nzuk ko mun ye ɓa nzuk dale, ke ɓa fe a garu, ke ƴo rɔk mun ye ke mun kaŋ. A ge ge le ɓá ko munɓay fe laɓna ye fe laɓna ye dale, ke ɓay vba̧ haŋ tul suki ye suki ye. Mgbá fe laɓna nzuk mbaŋ ye tuh ke fe laɓna ye ba, ɓay ta mba. Ɓayu ké a ge ge le ɓay suk sukna nunu a ye, nunu a ye.