Popular Bible Verses from MAELE 11

Ya fanang haholo o tla fumana katleho, ya fanang ka metsi le yena o tla a fuwa.

E mong o fana haholo, leruo le mo atele, e mong e be lekgonatha, bofuma bo mo aparele.

Boikakaso bo etella dihlong pele, boikokobetso bona bo tsamaya le bohlale.

Tjhaba se hlokang botsamaisi se a lahleha, se nang le baeletsi ba bangata se a bolokeha.

Tholwana ya ho loka ke sefate sa bophelo, ya bohlale yena o hapa meya ya batho.

Ya ratang ditshebo o hlahatsa makunutu, ya tshepahalang yena o na le sefuba.

Monna ya mohau o iketsetsa tse molemo, athe ya sehloho yena o a itshitelwa.

Ya tshepang maruo a hae o tla timela, ya lokileng o atleha jwaloka hlaku le letalana.

Kgalefo ya Modimo e ke ke ya fediswa, ya fediswa ke maruo a motho, empa ho loka ho lopolla motho lefung.

Ba tshepahalang ba tataiswa ke botshepehi ba bona, ba sa tshepahaleng bona ba timela, ba timetswa ke ho se tshepahale ha bona.

Mosadi ya hlokang boitshwaro leha a le motle, o jwaloka sale la kgauta nkong ya kolobe.

Morena o hloile sekala se qhekanyetsang, empa boima bo nepahetseng bona bo a mo thabisa.