Tetapi saharosnja angkaw tahu jang pada hari‐hari jang deri balakang, akan berdatang waktu‐waktu jang amat susah.
Karana manusija‐manusija akan tahu tjinta dija awrang punja diri sendiri sadja, iskakar, angkat‐angkat dija awrang punja diri, bertondjok barani, suka tjelah awrang, tijada dengar‐dengaran pada ibu‐bapa, tijada tahu tarima kaseh, tijada takot akan Allah,
Tijada sajang awrang, tijada kasi ampon pada awrang, kasi nama djahat, hidop takaruwan, suka binasa awrang, tijada suka barang jang bajik,
Hati tjulas, tijada timbang‐menimbang, hati tingkai, lebeh suka turut ingin daging deri tjinta Allah,
Turut lihat‐lihat sadja marika itu bowat kabaktian, tetapi menjankal kowat deri padanja, maka deri pada awrang‐awrang jang sabagitu hendaklah angkaw geser dirimu.