Popular Bible Verses from DIPROVERBIA 3

Share

O tshepe Jehova ka pelo ya hao yohle, o se ke wa itshepa hlalefo ya hao. O mo kenye mererong ya hao yohle, mme o tla o tsamaisa ditseleng tsohle tsa hao.

O se ke wa ipona bohlale. Tshaba Jehova, o sesefe bobe.

Tlotlisa Jehova ka moruo wa hao, le ka dilopotsiya tsa tsohle tse o atetseng. Mme mediko ya hao e tla tlala, e phanyaphanye, mafiso a hao a tlale veine e monate.

Molemo le nnete di se ke tsa kgaohana le wena, o ithwalle tsona molaleng wa hao, o di ngole letlapeng la pelo ya hao

Mora wa ka, o se ke wa nyedisa tayo ya Jehova, o se ke wa fellwa ke pelo ha o otlwa ke yena. Hobane Jehova o kgalemela eo a mo ratang, jwaloka ntata motho a yeng a kgalemele mora wa hae ya ratwang.

Mora wa ka, o se ke wa lebala thuto tsa ka, pelo ya hao e ke e boloke dikeletso tsa me; mme o tla ekelletswa ke tsona ditshiu, le dilemo, le ho phela, le kgotso.

Ho lehlohonolo motho ya fumaneng bohlale, ya fihletseng kutlwisiso; hobane kgwebo ya jona e fetisa silefera, ho ata ha jona ho fetisa ha kgauta. Bo fetisa diperela ka bohlokwa, tsohle tse lakatsehang ha di lekane le bona.

Ya nang le tokelo, o se ke wa lesa ho mo etsa ka molemo, ha ho le matleng a hao.

Jehova o theile lefatshe ka bohlale, o adile mahodimo ka kelello.