Popular Bible Verses from DIPROVERBIA 22

Share

Ruta mohlankana tsela eo a tshwanetseng ho e tsamaya; le mohla a tsofalang, a ke ke a e kgeloha.

Moputso wa boikokobetso le wa ho tshaba Jehova ke leruo, le kganya, le bophelo.

Botumo bo fetisa maruo a maholo, hlompheho le yona e fetisa silefera le kgauta.

O se ke wa tlwaelana le motho ya bohale, o se ke wa tsamaya le ya hlonamang

Motho ya fanang o tla hlohonolofatswa, kahobane o sitsa mofutsana ka bohobe ba hae.

Motho ya pelokeletsi o bonela kotsi pele, mme o a itshireletsa; empa ya leebelo yena o ya pele, mme o wela tsietsing.

Morui o busa mafutsana, mme ya adimang ke mofo wa eo a adimileng ho yena.

Morui le mofumanehi ba kgahlana hammoho; ya ba entseng ba babedi ke Jehova.

O se ke wa ja mofutsana ka hoba e le mofutsana, o se ke wa pitla mohlomohi kgotla; hoba Jehova o emela nyewe tsa bona, mme ba ba jeleng o tla ba amoha bophelo.