Popular Bible Verses from DIPROVERBIA 11

Share

Ya tsebang ho fana o tla nona; ya nosetsang o tla nosetswa le yena.

E mong o a fana athe o ntse a atelwa ke dintho; e mong o a konana, mme o fetoha mofumanehi.

Ha ho hlaha boikgohomoso, eba dihlong di a hlaha le tsona; empa bohlale bo ho ba ikokobetsang.

Setjhaba se dihuwa ke ho hloka dikeletso; poloko e teng ha baeletsi ba le bangata.

Tholwana tsa motho ya lokileng ke sefate sa bophelo; ya bohlale o hapa meya ya batho.

Ya tjhakelang ho qoqa o phunya makunutu; empa ya pelo e tshepehang o boloka taba.

Motho ya molemo o etsetsa moya wa hae molemo; empa ya lonya o itshenya mmele.

Ya itshepisang maruo a hae o tla wa, empa ya lokileng o tla hola jwaloka lekala le mahlaku.

Maruo ha a thuse letho mohla letsatsi la bohale, empa ho loka ho lwela lefung.

Bokgabane ba ba lokileng bo tla ba tsamaisa; empa bokgopo ba ba babe bo tla ba timetsa.

Mosadi ya sefahleho se setle, empa a hloka kelello, ke lesale la kgauta nkong tsa kolobe.

Sekala sa bohata se hloilwe ke Jehova, empa tekanyo ya nnete e a mo kgahlisa.