Popular Bible Verses from BAEFESE 6

Share

Hobane ntwa ya rona ha e lwane le nama le madi, empa e lwana le baholo, le mebuso, le marena a lefifi la lefatshe lena, le meya e bolotsana e sebakeng sa lehodimo.

Le rapele ka Moya kamehla, ka merapelo yohle, le fadimehele teng ka tiisetso yohle, mme le rapelle bahalaledi bohle.

Aparang dihlomo tsohle tsa Modimo, le tle le tsebe ho hlola dihloho tsohle tsa Diabolose.

Ka baka leo, nkang dihlomo tsohle tsa Modimo, le tle le tsebe ho tiya ka tsatsi le lebe, le ho ema le setse le hlotse tsohle.

Kahodima tseo tsohle le tshware thebe ya tumelo eo ka yona le ka tsebang ho tima metsu yohle e tukang ya molotsana. Rwalang heleme ya poloko, mme le tshware lerumo la Moya, e leng lentswe la Modimo.

Tiyang ke hona, le ntse le itlamile matheka ka senyepa sa nnete, mme le apere tshireletso ya sefuba, e leng ho loka. Maotong a lona, le rwale mafolofolo a Evangeli ya kgotso.

Qetellong, banabeso, tiyang Moreneng le matleng a hae a sa sitweng ke letho.

Hlonepha ntatao le mmao — ke oo molao wa pele o nang le pallo — o tle o be le lehlohonolo, mme o phele halelele lefatsheng.

Bana, utlwang batswadi ba lona Moreneng; hobane ke ntho e lokileng.