Popular Bible Verses from Galatiami 5

Share

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu, mtshaivü keu eno küsüqhikulu ke. Hitoi keqo shou ye ayeza kiumu kühae.

Tighenguno I no piani, Alhou Ghungu ghaküsü qholo xülo, eno nongu ye timi lhoaye no shinishi keqo ghapiqi tsümo nani.

Ningu no Aghungu lono xü cheghi aye, ningu Aghungu ghaküsü qholo no xüni nolo.

Khunoqo no Khristo Jisü’w shivea keno panongu ye timi lhoaye gholo ashi no minemighei chekeu eno shinishiqhiyi chekeu kümtsü kros lono yedapithivae.

Timi lhoaye no shi chekeu ye mütsüqhei no hipaqo ke: kipito xüküpsa, mithekumo eno ghüpoghüzü; ajulho kümlá eno atumu; akimithi, küqhakümla, axeküsü, amlokighide, alikhi asala kuphu, kotha kilé keu, amqo jeli eno anhekushu; shokümzü, ghaghu-ghale ghulhu eno titoi keqo. I no azüu nongu vilo pikichi ketoi, ni ye itaghi pikichi ani, tiye timi khunoqo no hitoi xüni keno panongu ye Alhou kükaphu ighí müla nani.

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

Kughengu timi lhoaye no mine keu ye Alhou Ghungu no shipe nishi keu lau no bidelau ke, eno Alhou Ghungu no shipe nishi keqo ye timi lhoaye no mine keu lau no bidelau ke. Küma ye lakhi no lakhi sasü kichighi acheni ke, tishi keu vechewo nongu pelo nongu no kiu shinishi ani keno tipau shilupemo niye ke.

Kughengu azakütsü lakhi, “O likhi O toi O kisüghümi kimiye lo,” ipikeu hipau papelu keu vechewo ayeza kümtsü shikupuluve anie.

Ningu qhezamoni momu lakhi no lakhi xukuthomoni momu lakhi no lakhi jupe anheshumoni nolo!

Ningu pelo khaqhipheve keu küxü xü penike ghenguno Khristo no ningu kuqhophevae. Tishiaye, akumto shi puthugho lo, eno aqüaxemiw kuokhasü lo O likhi O kitime kithe kevilo.