Popular Bible Verses from Tohi a Paulo ki te kau LOMA 6

Share

Koteuhi ko te totogi o te agahala, ko te mate; kae ko te foaki noa o te Atua, ko te mauli heegata ia Sesu-Kilisito totatou Aliki.

Koteuhi e mole mau anai e te agahala he pule kia koutou, koteuhi e mole kei kotou nofo i te lao, kae i te kalasia.

Koia, i te papitema nee tanu fakatahi tatou mo ia i tona mate, koteuhi, o hage ko Kilisito nee toe tuuake ia mai te kau mate aki te kololia o te Tamai, ke tou haele, mo tatou foki, i te ulugaaga o te mauli foou.

Ke aua naa koutou tuku ki te agahala okotou koga sino, o hage ko ni mea gaue o te agahala, kae ke koutou tuku koutou totonu ki te Atua, o hage ko ni tagata mauli kua hao mai te mate, pea ke kotou momoli ki te Atua okotou koga sino o hage ko ni mea gaue a te maonioni.

o tou iloi ko totatou tagata afea nee tutuki ia i te koluse fakatahi mo ia, ke maumaui ai te sino o te agahala, ke aua naa tou toe popula ki te agahala

Koia ko koutou totonu, ke kotou sio kia koutou, kua kotou mamate mooni ki te agahala, pea kua kotou mauli ki te Atua ia Sesu-Kilisito.

Kotea anai tatatou ui? Pe e tou nofo aipe i te agahala, ke asilisili te kalasia? E kailoa aupito! Ko tatou ae kua tou mamate ki te agahala, pe e feafeai anai tatatou mauli aipe i te agahala?

Pe e mole kotou iloi kapau kua koutou tuku koutou ke koutou tauhi ki he tahi o fakalogo kia ia, e kotou popula kia ia e koutou fakalogo ki ai: Pee ki te agahala ae e ina taki ki te mate, pee ki te fakalogo ae e ina taki ki te faitotonu?

Kae ke tuku te u fakafetai ki te Atua, koteuhi, i te osi o takotou popula ki te agahala, kua kotou fakalogo i te loto ki te lekula o te akonaki ae nee tuku atu kia koutou. Kua osi koutou i te fakaateainai mai te agahala, kua kotou liliu o popula ki te faitotonu.