Popular Bible Verses from Tohi a Paulo ki te kau LOMA 2

Share

Pe e ke ui anai, tagata, ae e ke fakamaaui natou ae e natou fai te u mea aena, pea e ke toe fai natou, e ke hao anai i te fakamaau a te Atua? Pe e ke fakanoai anai te u koloa o tona agalelei, mo tana kataki fualoa pea mo tona manavaofa faifualoa, o mole ke iloi e ekenaki ia koe e te agalelei o te Atua ki te fakahemala?

Oi tagata, ko ai ia koe, ia koe ae e faifakamaau, e mole ke hao anai; koteuhi, i tau fakamaaui natou ake ae, e ke fakamaaui ia koe totonu, koteuhi ko koe ae e ke fakamaaui, e ke toe fai foki te u mea aena.

Koteuhi e mole fakakehei e te Atua he tahi i ona mua.

Koteuhi e mole ko natou ae e fakalogo ki te lao e faitotonu ia mua o te Atua, kae ko natou ae e natou fai te lao e faitotonu.

ae e ina totogi anai ki te tagata takitahi o mulimuli ki ana gaue

kae ko te hauhau mo te mamahi lahi kia natou ae e natou agatuu, mo logogataa ki te mooni kae logogafua ki te agahala.

Kae, i tau fakafefeka pea mo tou loto hee fakahemala, e ke tanaki ai kia koe he koloa o te hauhau ki te aho o te hauhau pea mo te fakaha o te fakamaau totonu a te Atua