Popular Bible Verses from Tohi a Paulo ki te kau LOMA 14

Share

Koteuhi ko te puleaga o te Atua, e mole ko te kai pee ko te inu, kae ko te maonioni, mo te tokalelei, pea mo te fiafia i te Laumalie Maonioni. Ko ae e tauhi kia Kilisito o mulimuli ki te u mea aia, e lelei ia ki te Atua pea e fakamooni ki ai te u tagata.

Koteuhi kapau e tou mauli, e tou mauli ki te Aliki, pea kapau e tou mate, e tou mate ki te Aliki. Pe e tou mauli, pe e tou mate, e tou kau mo te Aliki

Koia leva, ke tou kumi te u mea ae e aoga ki te tokalelei pea mo te faufau.

Koia aua naa koutou fefakamaauaki; kae ke kotou manatu ke aua naa fai he mea ke fakatupu tukia pee ke fakatupu higa ki tokotou tehina.

Koteuhi e tuu i te Tohi: E au mauli, e ui e te Aliki, E peluki anai te u tuli fuli i oku mua, Pea e fakakololia anai te u alelo fuli ki te Atua. Koia e fakamatala anai e te tagata taki tahi ki te Atua o uhiga mo ia totonu.

Ke kotou fakatalitali ae e vaivai i te tui, pea ke aua naa koutou fefihiaki i te u manatu.

Ko ai ia koe, ke ke fakamaaui te tagata faifekau a he tahi kehe? Kapau e tuu ia i oluga, pe e higa ia ki lalo, a te pule pe te mea aia. Kae e tuu leva ia ki oluga, koteuhi e mau e te Aliki te malohi ke ina fakatuu ake ia.