Popular Bible Verses from SENESI 49

Share

E mole fakamamao anai te pale fakahau ia Suta, Pea mo te tokotoko fakaaliki maia nima o tona hakoga, O kaku ki te aho ae e ha ai anai te Silo (ae e tonu ke ina mau ia ia), Pea e fakalogo anai kia ia te hahai fuli.

Ko Sosefo, ko te huli aia o he fuu akau fua. Te huli o he fuu akau fua ia tafa o he matapuna vai; E malaga anai ona vaa i te fuga kaupa. Nee fakatagai ia ia e ni tagata fainahau, Pea nee natou nahaui ia ia aki anatou nahau, pea nee natou kapu ia ia i tonatou fehia.

Kae nee tuu malohi aipe tana nahau, Pea nee fakamalohii ona nima E te u nima o te Atua malohi o Sakopo: Koia ae nee liliu ai ia ia ko te tagata tauhi manu, mo te utu o Iselaele. Ko te gaue ia ia a te Atua o tau tamai, Ae e tokoni anai kia koe. Ko te gaue aia a te Mafimafi, ae e tapuaki anai kia koe, Ki te u tapuakina o te atu lagi i oluga, Ki te u tapuakina o te vai i lalo, Ki te u tapuakina o te u huhu mo te fatu o te fafine.

Ko Suta, e ke tali anai te u fakavikiviki o ou tehina; E hili anai tou nima ki te muliulu o ou fili; E tulolo anai te u foha o tau tamai i ou mua. Ko Suta ko toku foha, e ke hage ko he laione mui. E ke hau mai te matea, oi sioku foha! E ina peluki ona vae o moe o hage ko he laione tagata, O hage ko he laione fafine: ko ai anai ka ina toe lagai ia ia ki oluga?

Lupeni, ko koe ko toku foha uluaki, Ko toku malohi pea ko te u uluaki fua o toku malohi. E ke fakalaka i ou tehina i te mamalu mo te malohi; Ko he tafe malohi ia koe, kae e mole ke mau anai te uluaki tuulaga, Koteuhi nee ke kake ki te moeaga o tau tamai, Pea nee ke ulihi toku moeaga i tau kake ki ai.