Popular Bible Verses from Uluaki tohi a Paulo kia TIMOTEO 1

Share

Ko he folafola mooni pea mo gali ke tali, nee hau ia Sesu-Kilisito ki te malamanei o fakamauli te kau agahala, pea ko au ko te uluaki o natou.

Kae uhi ko te mea aia nee au mau te manavaofa o te Atua: nee loto ia ke fakaha e Sesu-Kilisito ia au, ko te uluaki, te katoa o tana kataki, pea ke au liliu ko he faifaitakiaga kia natou e tui anai kia ia o uhiga mo te mauli heegata.

Ko te uhiga o te fekau aia, ko he ofa e hau mai he loto e maa, mo he manatu e lelei, pea mo he tui e mooni.

Ki te hau o te u sekulo, tuputupua, fakalilo, te Atua e tahi, ke tuku te fakaapaapa mo te kololia, i te u sekulo mo te u sekulo! Ameni!

e tou iloi papau nee mole fakatupu te lao ki te tagata agatonu, kae ki te hahai pauu pea mo te hahai agatuu, ki te hahai pagani pea mo te hahai agahala, ki te hahai hee fakaapaapa ki te Atua mo te u mea taputapu, ki te hahai fakapo tamai mo fae, ki te hahai fakapo fuli, ki te hahai feauaki, ki te tagata vale tagata, ki te hahai kaihaa tagata, ki te hahai kaka, ki te hahai maumau fuakava, pea mo te u mea fuli e fakafehagai ki te akonaki mooni