Popular Bible Verses from Uluaki tohi a Paulo ki te kau TESALONIKA 5

Share

Koutou fiafia tuumau. Koutou faikole hohoko. Koutou fakafetai i te u mea fuli, koteuhi ko te finegalo aia o te Atua kia koutou ia Sesu-Kilisito.

Ke te Atua o te tokalelei, ke ina fakamaonionii koutou katoa e ia totonu, pea ke ina taupau koutou katoa, te loto, mo te laumalie, pea mo te sino, ke hee mele i te aho o te toe liliu mai o totatou Aliki ko Sesu-Kilisito. E agatonu ia ia ae nee ina paui koutou, pea ko ia ae e ina fai anai te mea aia.

Koutou tokaga ke aua naa liufaki e he tahi te kovi aki te kovi, kae ke koutou kumi tuumau te lelei i okotou vahaa pea mo te tagata fuli pe.

Koia, kotou fetokoniaki pea kotou fefaufauaki, o hage pe ko te mea e kotou fai mooni.

E matou toe kolekole atu foki kia koutou, u tehina, ke koutou fakatonutonu natou ae e mauli maveuveu, mo koutou fakalotomalohii natou e mamahi, mo koutou tokoni kia natou e vaivai, pea kotou kataki ki te tagata fuli.

Koteuhi nee mole fakatuutuu tatou e te Atua ki te hauhau, kae ki te mau o te fakamauli i totatou Aliki ko Sesu-Kilisito

ko koutou ko he u fanau fuli o te malama pea mo te aho. E mole tou kau i te pouli pee i te fakapouli.