Popular Bible Verses from Loma 8

Share

Ti e tou iloa e gaoi a nea fuli ki le malie o latou e alofa ki le Atua, o latou kua kalagai o mulimuli ki lana fakatuutuu.

Talie e kau iloa papau e leaise ko le mate, pe ko le mauli, pe ko le kau aselo, pe ko le kau tominasio, pe ko nea o le sekulo nei, pe ko nea o le sekulo ka au, pe ko makeke, pe ko le taualuga, pe ko le loloto, pe ko se tasi ake a nea na fakatupu, e mafai ia loa ke fakamavae ia tatou i se aso mei le alofa o le Atua, leia kua fakasa kia tatou ia Sesu-Kilisito lotatou Aliki.

Ti e tokoi mai foki le Laumalie kia tatou i lotatou gaegae, talie e leaise tou iloa le nea leia e malie ke tou kole i atatou faikole. Kae e faikole le Laumalie totonu kia tatou i ni tagi e leaise mafai ke fakasa e ni kupu.

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Ko le tokaga ki nea o le kanofi, ko le mate ; kae ko le tokaga ki nea o le Laumalie, ko le mauli mo le tokamalie.

Kae i nea fuli ana, e motou malo lasi i leia e alofa kia tatou.

E kau pati, e leaise gali ke fakatatau a mamae o le temi nei ki le kololia ka au, leia ka fakasa loa kia tatou.

Ko ai ka fakamavae ia loa tatou mei le alofa o Kilisito ? Pe ko le masaki loa, pe ko le mamae, pe ko le fakaveliveli, pe ko le fia kai, pe ko le mativa, pe ko le tutamaki, pe ko le seleta ?

Ti ko le Atua leia e tio ki loto, e iloa ia le manatu a le Laumalie, talie e ulufaki e ia le kau sagato o mulimuli ki le finegalo o Atua.

Talie ko latou fuli ala e taki e le Laumalie o le Atua ko vosa o le Atua.

Koia, ko latou ala e mauli o mulimuli ki le kanofi e tokaga ki nea o le kanofi, kae ko latou ala e mauli o mulimuli ki le Laumalie e tokaga ki nea o le Laumalie.

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

E fakamaoki le Laumalie totonu ki lotatou laumalie ko tatou ko fanau a le Atua. Ti kapau ko tatou ko fanau, ko tatou foki ko fanau maua tofiga : Ko fanau maua tofiga a le Atua, ti mo maua tofiga fakatasi mo Kilisito, mo kapau e tou mamae fakatasi foki mo ia, o tupu ke tou toe fakatasi foki mo ia i lona kololia.

Koia ko le tokaga ki nea o le kanofi, e fili ki le Atua, talie e leaise fakalogo le kanofi ki le Atua, ti e leaise mafai ai e ia.

Koia e talitali ai le malama nei mo se oli mamae ki le fakasa o vosa o le Atua.

Kae e tou iloa, o kaku mai ki le aso nei, e e tagi ti mo mamae le malama nei katoa i mamae o le temi fai fanau.