Popular Bible Verses from Loma 6

Share

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Talie e leaise maua loa e le agasala se pule kia koutou, talie e leaise kotou nonofo i le lao, kae i le kalasia.

Koia i le papitema kua tou tanu fakatasi mo ia i lona mate, o tupu, i le toe tuuake o Kilisito mei le kau mate i le kololia o le Tamana, ke tou saele, mo tatou foki, i se mauli foou.

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala

Koia ko koutou totonu, ke kotou tio ai kia koutou kua kotou mate maoki ki le agasala, ti kua kotou mauli ki le Atua ia Sesu-Kilisito.

Kolea loa latatou pati ? Pe tou nonofo loa i le agasala, o tupu ke lasi ai le kalasia ? E leai ai ! Ko tatou ala kua mate ki le agasala, e feaki loa ke tou toe mauli i le agasala ?

Pe leaise kotou iloa ka kotou tuku koutou ke tausi ki se tasi o fakalogo kiate ia, e kotou popula ki leia e kotou fakalogo ki ai : pe ki le agasala leia e taki ia ki le mate, pe ki le fakalogo leia e taki ia ki le faitotonu ?

Kae ke tuku a fakafetai ki le Atua, talie, i le oki o lokoutou popula ki le agasala, kua kotou fakalogo i le loto ki le lekula o le akonaki leia na tuku atu kia koutou. Kua oki koutou i le fakalauatea mei le agasala, kua kotou liliu o popula ki le faitotonu.