Popular Bible Verses from Loma 14

Share

Talie ko le Puleaga o le Atua, e leaise ko le kai pe ko le inu, kae ko le maokioki, mo le tokamalie, ti mo le fiafia i le Laumalie Maokioki. Ko leia e tausi kia Kilisito o mulimuli ki nea ana, e malie ki le Atua ti e fakamaoki ki ai a tagata.

Talie kapau e tou mauli, e tou mauli ki le Aliki, ti kapau e tou mamate, e tou mamate ki le Aliki. Pe tou mauli pe tou mamate, e tou kau mo le Aliki

Koia loa, ke tou afa a nea ala e aoga ki le tokamalie ti mo le faufau.

Koia aua na kotou fefakamaauaki ; kae ke kotou manatu ke aua na fai se nea ke fakatupu tukia pe fakatupu siga ki lokoutou taina.

Talie e tuu i le Tosi : E kau mauli, e pati le Aliki, Epeluki loa tuli fuli i oku mua, Ti e fakakololia loa alelo fuli ki le Atua. Koia e fakamatala loa e le tagata taki tasi ki le Atua o uiga mo ia totonu.

Ke kotou fakatalitali leia e gaegae i le tui, ti ke aua na kotou fevisi i manatu.

Ko ai a koe, ke ke fakamaaui ia le tagata fakasausau a se tasi kese ? Kapau e tuu a ia i aluga, pe siga a ia ki lalo, a le pule fai le nea lena. Kae e tuu loa a ia i aluga, talie e maua e le Aliki le makeke ke fakatuu ake ai a ia.