Popular Bible Verses from Maleko 9

Share

Na pati loa Sesu kiate ia : Kapau e ke mafai !… E feala a nea fuli ki leia e tui.

I le lakaga fai lena na tagi loimata loa le tamana o le toe, o pati : E kau tui ! Au o saofaki au i loku tui gataa !

I le ulu a Sesu ki le fale, na vesili loa ana tisipulo kiate ia : Kolea na leaise mafai ai ke motou kapu le laumalie lena ? Na pati loa Sesu kia latou : Koi mafai ke mavae le tau temonio lena i le faikole.

Ko se nea malie le patai ; kae kapau e puli loa lona konakona, e kotou fakakonakona feaki loa a ia ?

Ko leia e tali ia i loku suafa se tasi o toe liliki anei, e tali e ia a au totonu ; ti ko leia e tali ia a au, e leaise ko au fua leia e tali e ia, kae ko leia foki na kakau ia mai au.

Ti ko leia e soli ia loa kia koutou i loku suafa se ipu vai ke inu, talie e kotou kau kia Kilisito, e kau pati maoki atu kia koutou, e leaise toe puli loa lona fakapale.

Kae kapau e fakasalai e se tasi se tasi i ga toe liliki ala e tui kiate au, e malie ake loa kiate ia ke nonoa ki lona ua se fatufuaga lasi, ti ke ti a ia ki le tai.

Ti kapau e fakasalai a koe e lou fa mata, kapei a ia ; e malie ake lau ulu fa mata tasi ki le puleaga o le Atua, i lau maua ni fa mata e lua kae ti loa a koe ki Ifeli.