Popular Bible Verses from Mateo 24

Share

Ti e momoko loa le alofa o le toka api, o tupu ko le lasi o le agasala. Kae ko leia e kataki fualoa loa o kaku ki le fakaoki, e saofaki loa.

E fakamafola loa le logo malie leinei o le puleaga i le malama nei katoa, ke fakamaoki ki puleaga fuli. Ti o soko mai loa le aso fakamuli.

E kotou logo loa ki le masaui o ni tau ka soko mai ti mo le fakamatala o ni tau na soko i mua : Aua na kotou i, talie e tonu ke soko a nea ana. Kae e leaise ko le aso fakamuli loa a ia.

E tau loa se kakai ki se tasi kakai, ti e tau loa se puleaga ki se tasi puleaga ; ti e i ai loa, i ganea kesekese, ni oge mo ni mafuike. Ko nea fuli ana ko le kamataaga a ia o mamae.

E puli loa le lagi mo le kele, kae e leaise toe puli loa aku folafola.

Talie e au loa se toka api i loku suafa, o pati : Ko au ko Kilisito. Ti e lotou fakasesei loa ni kakai toka api ai.

Ti e tuku loa koutou ke tautea, mo tamate, ti e vesiainai loa koutou e puleaga fuli, o tupu ko loku suafa. I temi ana e tiaki loa e le toka api le tui, ti e lotou fefolafolaaki loa mo fevesiaaki loa ia latou. E mafuta loa se kau polofeta loi toka api, ti e lotou fakasesei loa ni kakai toka api ai.

Na tali loa Sesu kia latou : Kotou tokaga ai na kakaai koutou e se tasi.

Ti ko koutou foki, ke kotou nonofo teuteu, talie e au loa le Vosa o le tagata i le ola leia e leaise kotou talitali ki ai.

Kotou alaala, talie e leaise kotou iloa le aso leia e au ai loa lokoutou Aliki.

Kae ki le aso ti mo le ola, e leaise iloa e se tasi fua, pe ko le kau aselo i le atu lagi, pe ko le Alo, kae ko le Tamana toka tasi.

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Ko le nea leia na soko i le temi o Noe e toe soko loa i le toe liliu mai o le Vosa o le tagata. Talie, i aso i mua o le lomaki, na kai a tagata mo inu, ti na lotou avaga mo fakaavaga olatou fanau, o kaku ki le aso leia na ulu ai loa a Noe ki le aleka ; ti na leaise lotou amanaki fua ki se nea, o kaku ki le to o le lomaki, o ave ai latou fuli : E toe fenaaki loa i le toe liliu mai o le Vosa o le tagata.