Popular Bible Verses from Luka 9

Share

Ti na pati loa a ia ki le kau tisipulo fuli : Kapau e loto se tasi ke muli mai iate au, ke fakafiti a ia kiate ia totonu, ke amo e ia lona koluse i le aso taki tasi, ti ke muli mai a ia iate au.

Ko leia e loto ke saofaki ia lona mauli e fakapuli noa loa a ia, kae ko leia e fakapuli noa loa lona mauli o tupu ko au e saofaki ia loa a ia.

Na tali loa Sesu kiate ia : Ko leia e teki lona lima ki le saliote, ti toe tio ki muli, e leaise aoga a ia ki le puleaga o le Atua.

Ti kolea le aoga ki se tagata lana maua le malama nei katoa mo kapau e puli noa a ia pe maumau a ia totonu ?

Kapau e luma loa se tasi kiate au ti mo aku folafola, e toe luma loa le Vosa o le tagata kiate ia, mo ka au loa a ia i lona kololia ti mo leia o le Tamana mo le kau aselo maokioki.

Na tali loa Sesu kiate ia : E maua e lenato ni nofoaga i le kele, ti e maua e manu lele o le lagi ni ofaga, kae e leaise maua e le Vosa o le tagata se ganea leia ke teki ai lona ulu.

ti na pati loa a ia kia latou : Ko leia e tali ia i loku suafa le ga toe leinei e tali e ia a au totonu ; ti ko leia e tali ia a au e tali ia leia na kakau ia mai au. Talie ko leia e ikiiki ia koutou fuli, ko ia leia e lasi.