Popular Bible Verses from Luka 7

Share

Koia e kau pati atu ai kiate koe, kua fakamolemole ana agasala ala na lasi ai ; koia leia na alofa lasi ai a ia. Kae ko leia e fakamolemole ikiiki ki ai e alofa ikiiki. Ti na pati loa Sesu ki le fafine : Kua fakamolemole au agasala.

Kae na pati loa Sesu ki le fafine : Kua fakamauli a koe e lau tui, ano i le tokamalie.

ti na ano loa a ia o nofo i vae o Sesu, mei muli. Na tagi a ia, ti na kamata fakasusu loa e ia a vae o Sesu ki ona loimata, ti na solo loa e ia laua ki lona lauulu, o sogi ki ai, ti na takai loa e ia laua ki le kaloni.

Koia na kau manatu ai e leaise gali ke kau natu totonu kiate koe. Kae pati mai fua se folafola e tasi, ti e mauli loa laku tagata fakasausau. Talie ko au leia e fakalogo foki ki ni pule e kau pule foki ki ni tagata solia ; ti e kau pati ki se tasi : Ano ! Ti e ano a ia ; ti e kau pati ki leia : Au ! Ti e au a ia ; ti e kau pati ki laku tagata fakasausau : Fai le nea lena ! Ti e fai e ia. I le logo a Sesu ki masau ana, na viki loa e ia le setulio, ti na maliu loa a ia ki le kakai leia na muli mai iate ia, o pati : E kau fakasa kia koutou, i Iselaele foki na leaise kau maua se tui lasi feneeki.

I le ola fai lena, na fakamauli loa e Sesu ni kakai toka api i olatou masaki, mo olatou maimoa, ti na kapu loa e ia ni laumalie veli, ti na fakatio loa e ia ni kivi toka api. Ti na tali loa Sesu kia laua : Kolua ano o fakamatala kia Soane le nea leia kua kolua tio mo logo ki ai : Kua tio a kivi, kua saele a kito, kua mea a kilia, kua logo a tuli, kua toe tuuake a mate, kua fakasa le logo malie ki le kau mativa.