Popular Bible Verses from Levitiko 26

Share

E kau saele loa i loto malie o koutou, ti e kau liliu loa ko lokoutou Atua, ti e kotou liliu loa ko loku kakai.

E kau kakau mai loa kia koutou ni ua i olatou temi, ti e soli loa e le kele ona magiti, ti e soli loa e laakau fua o faisaga olatou fua.

Kapau e kotou mulimuli loa ki aku lao, ti kapau e kotou tausi loa aku folafola ti mo fai loa latou

E kau tuku loa le tokamalie ki le fenua, ti e kotou momoe loa i le tokamalie, e leaise kotou tuania ia loa se tagata. E kau fakamamao loa mei le fenua a manu veveli, ti e leaise toe au loa le seleta ki lokoutou fenua.

E kau tokaga loa kia koutou o tapuakii koutou, mo fakafanaunau koutou, ti e kau taofi mau loa laku sai kia koutou.

Ko au ko le Eteleno, ko lokoutou Atua, leia na fakamavae ia koutou mei le fenua o Esipito, o tupu ke aua na kotou toe liliu o popula kia latou. Na kau motusi a tini o Esipito ala na sai ia koutou, ti na kau fakasaele ia koutou i le fia tagata.

E kau fakatuu loa loku nofoaga i loto malie o koutou, ti e leaise vesia loa loku laumalie kia koutou.

Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

E kotou kai loa a taukai afea ti e kotou too loa latou o tupu ke maua ni ganea ala ke tanaki ai a taukai foou.

E kapu loa e se toka lima o koutou le tino lelau o le fili, ti e kapu loa e le tino lelau o koutou a tino afe e tino agafulu, ti e mamate loa okoutou fili i le seleta i okoutou mua.

E leikiaise oki loa lakoutou sasa ia le fulumeto kae kua kotou tau loa le vite, ti e kaku loa le tatao o le vino ki le muluki o fakaili. E kotou kai loa lakoutou pane o makona ti e kotou nofo loa i lokoutou fenua i le fimalie.

E kotou kapu loa okoutou fili, ti e lotou mamate loa i le seleta i okoutou mua.

Kotou tausi loa aku sapato, ti kotou fakaapaapa loa ki loku sagatualio. Ko au ko le Eteleno.