Popular Bible Verses from Ekesote 32

Share

I le tio a le kakai kua tuvai le ifo mai a Moisese mei le mauga, na lotou fakatasi loa kia Alone, o pati kiate ia : Tuu ki aluga o fai se atua ke saele i omatou mua, talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Na pati loa le Eteleno kia Moisese : Ano, o ifo vave ki lalo, talie ko lou kakai leia na ke fakamavae mei le fenua o Esipito, kua fai ia ni nea fakalialia. Kua lotou maliu fakatavili mei le ala leia na kau fakasa kia latou ; ti kua lotou fai se uviki pipi ki le aulo saka, ti kua lotou punou i ona mua, o momoli ki ai ni sakilifisio, ti kua lotou pati : Iselaele ! ko leinei lou atua, leia na fakamavae ia a koe mei le fenua o Esipito.

I le tio a Alone ki le nea lena, na fakatuu loa e ia se aletale i ona mua, ti na kalaga loa a ia : I apogipogi, e fai loa se aso lasi fakafiafia ki le Eteleno ! I leia ake aso, na lotou alaala loa i le usu ti na lotou momoli loa ni failaulau mo ni sakilifisio fakafetai. Ti na tonatona loa le kakai ki lalo o kai mo inu ; ti na lotou tutuu ake loa ki aluga o fakafiafia.

I leia ake a aso na pati loa Moisese ki le kakai : Kua kotou fai se agasala lasi. E kau pale loa i le lakaga nei ki le Eteleno : e lagi kau maua loa le fakamolemole o lakoutou agasala.