Popular Bible Verses from Ekesote 3

Share

Na pati loa le Atua kia Moisese : Ko au ko leia e agai. Ti na toe soko atu a ia : E feneeki loa lau tali ki fanau a Iselaele : Ko leia e igoa " Ko au " na kakau ia mai au kia koutou.

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Na pati loa le Atua : Aua na ke fakafeofi mai ki leinei, too ou taka mei ou vae, talie ko le ganea leinei e ke tuu ai ko se kele taputapu a ia.

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae. Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Na sa loa le aselo o le Eteleno kiate ia i se ula mo se afi, i loto malie o se ga ulu vao. Na tio loa Moisese ; ti ko leinei, na ula le ulu vao katoa, kae na leaise okioki a ia.

Koia, i le aso nei, e kau kakau loa a koe ke ano kia Falaone, ti e ke fakamavae loa mei Esipito loku kakai, a fanau a Iselaele.