Popular Bible Verses from Tetelonome 4

Share

I lena foki, e ke toe afa loa le Eteleno, lou Atua ; ti e ke maua loa a ia, mo kapau e ke afa loa a ia i lou loto katoa mo lou laumalie katoa.

talie ko le Eteleno, lou Atua, ko se Atua manava alofa, leia e leaise tiaki ia loa a koe ti e leaise maumaui oki ia loa a koe : e leaise galoi loa e ia le fakapapau leia na fai e ia ki ou tamana.

Talie ko le Eteleno, lou Atua, ko se afi maumau a ia, ko se Atua finenonofo.

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.

Talie ko ai le puleaga lasi leia e maua ia ni atua ala e nofo ofi mo ia o tatau mo le Eteleno, lotatou Atua, leia e ofi kia tatou i temi fuli ala e tou fetapa ai kiate ia ?

I le mamae, mo ka soko loa a nea fuli ana kiate koe, e soko loa i se temi ki muli, e ke toe liliu loa ki le Eteleno, lou Atua, ti e ke fakalogo loa ki lona leo

E leaise kotou fakalasi loa se nea ki le nea leia kua kau fakatotonu kia koutou, ti e leaise kotou fakaikiiki loa se nea ; kae e kotou tausi loa a folafola a le Eteleno, lokoutou Atua, ofaipe laku tuku atu latou kia koutou.