Popular Bible Verses from Taniela 6

Share

I le iloa e Taniela kua tosi le fakatotonu, na ano loa a ia ki lona fale ; ti na fakamavaa loa e ia a katupa o le kogafale i lau fata ki le fetuu o Selusalemi. Ti na tua tolu i le aso na tutuli loa a ia o faikole mo fakavikiviki ki lona Atua, ofaipe lana fai masani i mua.

Kua kakau mai e loku Atua lana aselo ke tapono ia a gutu o laione, ti na leaise lotou fai fua kiate au se nea veli, talie na leaise maua e ia saku sala i ona mua ; ti e felaaki foki i ou mua, ei sau, na leaise kau fai fua se sala.

E kau fakatotonu le nea leinei : I loku puleaga katoa, ke maua le i mo le fakaapaapa ki le Atua o Taniela. Talie ko le Atua mauli a ia, ti e mauli a ia o lee gato ; e leaise maumaui loa lona puleaga i se aso, ti e tuu loa lana pule o kaku ki le fakaoki. Ko ia leia e saofaki ia ti e fakamauli ia, leia e fai ia ni fakamailoga ti mo ni nea fakamanamana i le lagi mo le kele. Ko ia leia na saofaki ia Taniela mei le makeke o laione.

Koia na fakatotonu loa e le sau ke aumai Taniela, ti ke ti a ia ki le popoko o laione. Ti na masau loa le sau, o pati kia Taniela : Ko lou Atua leia e ke tausi ki ai i le kataki fualoa, ke mafai e ia lana saofaki ia a koe !