Popular Bible Verses from Ɛdi 14

Share

Bɛmmate Ɛdɛnkɛma anwo atua; yɛɛ bɛmmasulo menli mɔɔ de azɛlɛ ne azo la, ɔluakɛ bɛnle ɛhwee wɔ yɛ nye zo. Bɛ nwo banebɔlɛ ne ɛbubu, yɛɛ Ɛdɛnkɛma nee yɛ lua; bɛmmasulo, yɛbaza bɛ yɛalie bɛ debie biala.”

‘Medame Ɛdɛnkɛma, menva ɛya mgbane mgbane, melɛ ɛhulolɛ kpole, na mefa ɛtane nee mɛladonlɛ mekyɛ. Noko menrɛbu me nye menrɛgua zolɛ kɛ menwɔdea mralɛ nee nlɔnra toonwo ɔkɛdwu awolɛndoazo nsa nee nna ne anwo zo wɔ bɛ ze mɔ ɛtane ne mɔ ati,’ la azo.

Saa Ɛdɛnkɛma ɔdaye ɔkulo yɛ ɛdeɛ a, ɔ nee yɛ bahɔ azɛlɛ ne azo. Ɔle azɛlɛ mɔɔ kye aleɛ na ninyɛne kpalɛ wɔ zo a.

Na me sonvolɛ Kalɛbe ɛdeɛ asolo ye sunsum ne na yeli nɔhalɛ yemaa me la ati, mebava ye meahɔ azɛlɛ ne mɔɔ ɔdaye ɔhɔkpɔlale la azo, na ɔ bo zo amra badɛnla zolɛ kpɔkpɔ.

Se bɛ kɛ: ‘Meka, meka kɛ, sumunli kenle ala mɔɔ bɛfɛlɛ me Tease la, mebayɛ mɔɔ bɛbiza la meamaa bɛ. Medame Ɛdɛnkɛma a mese a.

Na Ɛdɛnkɛma zele Mosisi kɛ, “Fane nyɛ yɛɛ menli ɛhye mɔ kɛkpo me a? Meyɛ nwanwane ninyɛne dɔɔnwo memaa bɛ, na kenlenzu bɔbɔ yɛɛ bɛkɛlie me bɛkɛli a?

Yizilayɛma ne kɔsɔɔti dendɛle tiale Mosisi nee Aalɔn hanle kɛ, “Ɔle kpalɛ kɛ anrɛɛ yɛwule Yigyibiti azɛlɛ zo! Anzɛɛ ɔle kpalɛ kɛ anrɛɛ yɛwule fienemgbole ɛhye anu!

Na Nɛn ara nrenya Dwɔhyua nee Gyɛfɛni ara nrenya Kalɛbe, mɔɔ boka busiama mɔɔ hɔkpɔlale azɛlɛ ne la, vale nyane ngome suosuanle adɛladeɛ mɔɔ bɛwula la anu, na bɛhanle bɛhilele Yizilayɛma ne kɛ, “Azɛlɛ ne mɔɔ yɛhɔkpɔlale la le azɛlɛ kɛnlɛma kpalɛ.

Noko meka, meka kɛ, sumunli kenle ala mɔɔ bɛfɛlɛ me Tease, na me anyunlunyia bayi azɛlɛ ye tɛkɛɛ la, menli ɛhye mɔ mɔɔ ɛnwu me anyunlunyia ne nee nwanwane ninyɛne mɔɔ menyɛle wɔ Yigyibiti nee fienemgbole ne anu, noko bɛzɔ me bɛnlea toonwo fane bulu, na bɛandie me aneɛ la, nuhua ko bɔbɔ anye ba ɛnrɛnwu azɛlɛ ne mɔɔ menvale membɔle bɛ ze mɔ ɛwɔkɛ la azo; yɛɛ bɛdabɛ mɔɔ bɛkpole me la, bɛ nuhua ko bɔbɔ anye ba ɛnrɛnwu azɛlɛ ne azo.