Popular Bible Verses from Sɛlɛ 26

Share

Me nee bɛ balua, meayɛ bɛ Nyamenle, na bɛayɛ me menli.

yemɔ ɛlobɔ ne dwu a, mebamaa ezule adɔ na azɛlɛ ne aye aleɛ dɔɔnwo amaa bɛ, na kpɔkɛ nu mbaka amaa bɛ nzoleɛ.

“Saa bɛdi me mɛla ne mɔ azo na bɛyɛ me ngyehyɛlɛ ne mɔ a

“Mebamaa bɛ nzo nu adwo bɛ wɔ azɛlɛ ne azo, na bɛalie bɛ ɛnwomenle, yɛɛ awie biala ɛnrɛha bɛ ɛzulolɛ. Mebaye nane mɔɔ ɛnle kpalɛ la amuala wɔ azɛlɛ ne azo yɛɛ konle ɛnrɛzi maanle ne anu.

Mebanlea bɛ nwo zo kpalɛ na meamaa bɛawo mralɛ dɔɔnwo, na bɛ nwo azo, na meamoa me ngyekyeleɛ ne mɔɔ me nee bɛ kyekyele la azo.

Medame a mele Ɛdɛnkɛma bɛ Nyamenle ne, mɔɔ menyele bɛ menvile Yigyibiti azɛlɛ zo a, amaa bɛanyɛ Yigyibitima ahanra. Meye bɛ kɔme kpomgbolo ne memaa bɛnyia bɛ ti.

Me nee bɛ badɛnla yɛɛ menrɛkpo bɛ ɛlɛ.

Ɛdɛnkɛma zele Mosisi kɛ, “Bɛmmayɛ mmonle nee ananze yɛɛ bɛmmasi mpila biala, yɛɛ bɛmmase bolɛ bɛsie ye bɛ azɛlɛ ne azo kɛ bɛbɔ bɛ ti aze bɛamaa bɛ, ɔluakɛ medame a mele Ɛdɛnkɛma bɛ Nyamenle ne a.

“Bɛbali bɛ aleɛ mɔɔ bɛvale bɛziele dɛba la, bɛbaye dɛba ne bɛavinde na bɛava fofolɛ bɛazie.

Bɛ nuhua nnu bɔbɔ bahola aha menli ɛya agua ɛbɔ nu, yɛɛ bɛ nuhua ɛya bahola aha apenle bulu agua ɛbɔ nu; na bɛbahu bɛ kpɔvolɛma amuala.

Bɛ bɛyɔba bara dɔɔnwo, yeahɔdwu vanye ma ɛdelɛ, na bɛade vanye ma toonwo yeahɔdwu mekɛ mɔɔ bɛfa bɛdua aleɛ la. Bɛbanyia aleɛ bɛali bɛ ko ayi, na bɛ nwo ayɛ twetwe wɔ bɛ azɛlɛ ne azo.

Bɛbavoa bɛ kpɔvolɛma na bɛahu bɛ muala.

Bɛzie me Ɛnwomenlelielɛ Kenle ne mɔ, na bɛli ɛleka nwuanzanwuanza ne mɔɔ bɛsonle me la eni. Medame a mele Ɛdɛnkɛma a.