Popular Bible Verses from Mɔl 49

Share

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

“Dwosefi le kɛ baka mɔɔ so na ɔgyi azule nloa la, Ye ngane ne mɔ twenlehwenle bane ti. Ɛdadolɛma tetale ye, bɛtotole ye ɛda, Na bɛgyegyele ye kpole kpalɛ.

Noko ye ɛda ɛdeɛ ne andɔ aze. Ɔ sa nu yɛle ɛsesebɛ wɔ Gyekɔbo Nyamenle Bedevinli ne tumi nu, Wɔ Mboaneneavolɛ Yizilayɛ Pepɛdievolɛ ne duma nu. Ɛ ze Nyamenle ne ɛnlea ɛ nwo zo, Nyamenle Bedevinli ne ɛdɔ nyilalɛ dɔɔnwo vi anwuma ɛgua ɛ nwo zo. Ɔva nyilalɛ ɔvi azɛlɛ buma nu ɔrɛlɛ wɔ, Ɔmaa wɔ nyɛfonlɛ nloa nee ɛkolɛ nu nyilalɛ.

“Dwuda, ɛ mediema mrenya ne mɔ baye wɔ ayɛlɛ; Ɛbali wɔ kpɔvolɛma anwo zo konim. Ɛ ze amra mrenya babɔ bɛ ti aze amaa wɔ. Me ra Dwuda le kɛ awenade ralɛ, Ɔku ye kpɔvolɛ ne na ɔsia ɔbada. Ɔda na ɔtenrɛ ɔ nwo a, awenade belɛ ɔ, Nwane a kola tunwue ye a?

“Wulubɛn, wɔmɔ a ɛle me ra kpanyinli a, Me anwosesebɛ nee me kpoleyɛlɛ nu ralɛ mɔɔ lumua. Wɔlie duma adubɛnwo nu, wɔlie duma anwosesebɛ nu. Noko ɛse kɛ azule, yemɔti ɛnrɛnyia duma, Ɔboalekɛ ɛlale ɛ ze ɛkpa zo, Ɛvale ɔ ye; ɛguale nwolɛ evinli!